Amy's Slow Yoga Life 瑜伽。慢生活

大家問我,東方日報上示範的飛行式會很難嗎? 吾難架 跟我一起示範的同學Angela和Tina都只糸玩左兩個月咋~ 其實用yoga hammock做很容易呢, 拍照效難說明,上課時請同學幫我拍下了, 一看便明白 :飛行式+蝙蝠式, 利通大腿淋巴, 修緊臀部線條, 鬆Hip join 加上飛翔的感好爽

想試空中瑜伽又驚飛吾起? 無問題! 低空都有好多式子架只是我個人偏好高空倒轉所以少影. 今次請來導師Ling師妹幫我地示範空中瑜伽低空式子.  Ling B 動作係咪好優美呢! 前半部站立式子利用空中䋲輔助易掌握, 初學者大部份第一堂都做倒, 後半部掌上壓式打後就屬於難道頗高的式子, 需要有核心力量及同時高柔軟度和平衡先做倒, 比較有挑戰性。 點解Ling B 做得咁輕鬆? 因為佢係去年瑜伽大賽Yoga Gala全場總冠軍來架!! 到時上堂我們會循序漸進地教大家鍛鍊核心肌肉的力量

夏天下到喇! 好多人想知有咩方法減肚腩, 方法有好多嘅~ 想快減就要激少少, 試下空中嬰孩式? 嬰兒孩式都可以激???係架 用空中帶勒完肚腩刺激臍輪成個肚滾曬, 去宿便, 放風. 一定要空肚做否則吾止橙叫仲包嘔hehehe

My First Aerial Yoga Demo and my first time to do video editing, hope u like it . Many thanks to my yoga friends help me to make it so nice.

一月份紅磡瑜伽班新班現正招生 地址：九龍紅磡鶴翔街 1 號維港中心 1 期  逢星期一 19:15 ~ 20:45 都巿病治療(1.5小時)  逢星期一 18:15 ~ 19:15  纖體瘦身 逢星期三18:15 ~ 19:15 初級班 逢星期 三 19:15 ~ 20:15 都巿病治療   學費收費方式: 每月上四堂以上, $80/每小時堂, 少於四堂, $100/每小時堂 費用巳包括Biotrek瑜伽墊及Biotrek磚 開班準則: 每堂最少五人預約. 報名:amyyoga@ymail.com

話說有一次我教親子瑜伽班,見上堂嘅小朋友肚脹脹, 估計係佢地係學校假期間 食得多左個肚仔好多風。 我就教佢地天鵝式, 諗住等佢地放下屁肚仔舒服啲。我一路教一路解釋佢地聽呢個式子要Hold 耐啲,可能會放屁屁架! 有男仔好直接, 好快就話'放左臭屁喇!', 其他男仔就 奸笑住 跟住話'放左喇,放左喇!'一齊哈哈笑。 點知有一個妹妹嗱住面口 有啲想喊咁,  我就問佢'係咪hold得太耐攰呀?有無邊度痛呀 ?', 佢話'無丫'跟住細細聲同佢媽媽講'媽媽, 我放吾到屁丫!' 大家當堂靜左二秒....... 跟住一齊曝笑....Wakakaaaa..... 無諗到原來佢擔心呢樣嘢, 佢媽媽直頭笑到流眼水 妹妹仍然一臉疑惑, 我就忍住笑解釋佢聽: '做天鵝式吾一定會即刻放屁, 放吾倒都吾緊要呀!' 妹妹答' 但我想放丫!'吾係好滿意咁 我答' 如果依家放吾倒咁你假裝放住先架!' '哦, 假裝住先!' 妹妹即時滿意, 成班聽到佢彷然大吾又一齊Wakakaa... 又一次笑到東倒西斜 自此係親子班天鵝式又名'放屁天鵝式' , 一聽倒大家又笑餐死喇! 吾知係咪咁妹妹對呢個式子印象特別深刻, 後來佢媽話有時妹妹覺得肚脹脹就會自己係牀度做天鵝式放屁屁, 哈! 示範: 1.  首先手指平均打開按在肩膀下, 膝蓋打開約髖骨闊, 曲腳趾釘地, 背脊放鬆 2.直手向前爬, 心口垂直落地, 額頭貼地(呼氣), 然後保持三個呼吸. 3. 下巴喉嚨抬起,下巴喉嚨貼地,心口壓向𥱊. 保持五至十個呼吸 原成後可做埋嬰孩式舒緩番 天鵝式的其他作用還包括: 舒緩肩頸痛丶 減輕背痛丶 矯正駝背丶改善經痛及週期不適 

長期坐office好容易腰背僵硬, 所以每次上課我都會先教同學們方鬆腰脊的式子。貓式係放鬆腰椎關節的基本伸展動作，簡單易學連兒童班的小朋友都一學就識而且有效幫助紓緩繃緊的關節。 1. 首先手指平均打開按在肩膀下, 膝蓋打開約髖骨闊, 曲腳趾釘地, 背脊放鬆  2. 沈腰, 眼望向上, 想將背凹下(吸氣) 3. 手腳原位推𥱊,拱背(呼氣), 頭頸放鬆望肚臍 4.重覆 2&3 3-6次之後方鬆便會感覺腰背柔軟一些。 完成之後再做深層彎腰式子就會較安全喇! 可以的話每練習幾組就更有助改善腰背痛。

示範洗衣機肚@側漁涌班，如果第一次睇呢個功法'nauli'可 能覺得嚇人 , 不過佢對身體好好，練左仲包 無肚腩!

My student like to ask about what I do in my own practice. Hey guys here's my flying yoga practice on 13Sep,2012 1. Swing to relax spine 2 Lift up to touch feet 10 times a set , exercise my belly to work out for my six pack 3 Drop back to relax my shoulder

三角式是一個較全面的式子，身體很多部分都得以伸展。 作用： 使腋下、腰側肌肉及肋骨盡量伸展，令淋巴暢通；加強臀、腰、脊椎及雙腿之柔軟度；消除下背痛症；修腰側贅肉。 吾好睇我依家做得好輕鬆，擦實開始練呢個式子腰惻痛不特之、腋下扯、大腿內側痛＋企唔穩，下背痛開係預左but好少會人會有我嘅感覺係胸口痛到好似被扯開。嗚~總言之成身都痛呀 ~三秒都hold 唔到。我好唔鍾意練三角式但佢保考試的指定式子，每次教到就項硬上。 當時我係全班裡面係最屎嗰個(一個唔覺意報左導師班 )，一啲都無冧過會做瑜伽導師。可能係以前嘅工作令我習慣左凡事target oriented，到左練瑜伽都自覺地定好多target 俾自己。點知甘樣既心情練瑜伽係唔work 架！精神唔放鬆會令體僵硬， 後來我慢慢學識左放鬆心情練習，唔好太勉强自己每日練少少，hold 到一秒就一秒反而進步得快。當日mission impossible 嘅三角式原來練練吓會係自己估唔到嘅時侯'得左' 。 1. 以山式開始 2. 打開雙腿，雙腿距離大約是肩膀闊度的兩倍至兩倍半，呈入字腳, 雙手打開與肩水平。 3.左腳指向左, 後腳45度指向前，雙腳腳踭成一直線。 4. 左手按左腳背。身體左側。右手向左伸展指向頭頂方向。挺胸，盆骨推前。放鬆頸部，頭向上，眼向上望指尖反身向天(呼氣)。  5. 雙腿保持登直，右手肘伸直並貼緊右耳。手肘伸直才可達到暢通腋下淋巴的效果。最易犯的錯誤是身體向前傾，只要集中精神，盡量將盆骨推前，身向上反，便可大大減低前傾幅度。盡量保持三至五組呼吸。 做完左邊要記得做埋右邊呀! P.S. 以上圖示只作參考並非教學示範, 如有不明白之處可於堂上提出。 相片攝於礸石山Balletopia Studio http://www.balletopia.org/

有無發現最近肚腩大左?鬼咩，由聖誕開始數下食左幾多大餐:Buffet、 BBQ、 打邊爐、團年飯、開年飯、春茗、情人節大餐，仲有大大小小gathering十隻手指都數吾曬。一齊做後顧式扭腰急救士脾肽喇! 1. 曲右腳, 大脾貼近心口,挺胸(吸氣) 2. 左手升起拉長脊椎, 右手推右大腿 (吸氣)   3a. 扭腰(呼氣)，左手上臂落在右大腿外側, 右手按在後，直手踭。保持五組呼吸或手腳有麻痺感再放開。然後重覆另一邊。 3b. 再深層一點可將左手抓右腳腳掌內側。  今次示範呢個後顧式係簡化左，方便大部份腰背硬的瑜伽式子初學者。 P.S. 以上圖示只作參考並非教學示範, 如有不明白之處可於堂上提出。 相片攝於礸石山Balletopia Studio http://www.balletopia.org/

上次做完前彎今次温習後彎，不過呢個示範唔算係一個瑜伽式子(Asana)應該算一個好有効鬆上背嘅熱身動作。我地成日日要對住電腦頭耷耷好容易形成寒背, 導至身形唔好睇之餘仲會引起頸背痛 。所以最好每日後彎幾分鐘來舒緩上背及頸部疲勞。 1. 坐在蓆上背後放瑜伽磚一至三舊, 亦可用枕頭或厚毛巾代替。  2. 手肘落地,將上背躺在磚上(吸氣)。 3. 頭頸放鬆後仰, 腰放鬆, 臀部著地 (呼氣)。   4. 手扣木星手印, 直手肘(吸氣) 5. 手指指向頭頂, 指尖想落地 (呼氣 )。 另外如果有partner 幫忙可用瑜伽帶縛緊上手臂然後頭頸放鬆向後躺更可深層鬆膊頭。躺一至兩分鐘或到手臂、膊頭感麻痺才鬆開。 P.S. 以上圖示只作參考並非教學示範, 如有不明白之處可於堂上提出。 社區班報名網址:   http://www.hkyogaassn.com/yoga-class.php 相片攝於礸石山Balletopia Studio http://www.balletopia.org/ 至於頭耷耷引起嘅健康問題可以睇下面呢段報導 http://www.hksilicon.com/kb/articles/28064 專家建議市民每玩數分鐘電子產品，應該停一停及做頸部運動。 Apple iPad、Samsung Galaxy Tab等平板電腦風行，令一眾沉迷的本港上班族，經常不自覺長時間「頭耷耷」工作及玩遊戲，疑引致近期偏頭痛求診個案趨增。 有IT人士每日逾半時間用電腦及平板電腦，因而引發偏頭痛，半夜更經常痛醒，需要求診。 名人家屬肩頸疲勞 被迫戒玩 腦神經外科專科醫生藍明權稱，過去1年收到疑因平板電腦引致的偏頭痛、頸痛求診個案，較往年多1至2成。他說，求診者因經常坐在梳化、或將平板電腦置於大腿使用，令頭頸長時間下彎，引致頸痛。此外，本身有偏頭痛症狀者，則有機會受平板電腦的閃光刺激，誘發痛症。 香港執業物理治療師協會會長黃燦鴻透露，一名印度 籍資訊科技人士，因每日用電腦工作13小時，下班後又用數小時玩平板電腦，致患上偏頭痛，有時半夜2、3點更因此痛醒，影響睡眠及工作。 黃指疑因長時間使用平板電腦引致的偏頭痛、手背麻痺等求診個案，近數月每月都收到數宗個案，多為本已長時間接觸電腦的IT人士、教師、文職人士，相信隨著平...

到底女仔每月唔方便嗰幾日可吾可以做瑜伽呢?應避免做倒轉類嘅式子，不過只要選啱瑜伽式子, 不單只可以做而且適當嘅式子仲有舒緩經痛、腰痛嘅較果 。 呢個蝴蝶式就啱曬。 1. 腳板對脚板, 手扣脚板將腳踭拉向內與膝頭水平, 吸氣, 拉長脊椎。 2. 平背向前壓低至感到大腿內側拉緊。(呼氣 ) 3.如果夠鬆肚貼腳板，額頭貼地，保持三至五組呼吸。 1.如果下太硬好難坐直可以坐在一舊磚上幫助身體向前傾。(吸氣)   2. 向前壓低。(呼氣 )   P.S. 以上圖示只作參考並非教學示範, 如有不明白之處可於堂上提出。 相片攝於礸石山Balletopia Studio http://www.balletopia.org