拉闊創意兒童舞蹈+瑜伽.慢生活
拉闊+瑜伽.慢生活將於三月份舉辦親子同行興趣班。逢星期六1530-1630,小公主丶小王子跳跳舞, 媽咪拉拉筋。親子同行折扣優惠高逹65折!查詢/報名請電2776-4433/68800553 與李小姐聨絡或電郵drama@live.hk。www.livetheatre.org.hk 歡迎公司丶會所丶學校丶團體合辦瑜伽課程! email:amyyoga@ymail.com
發表文章
家庭瑜伽日
星期六,日一家人Family Day 除左約埋一齊食飯丶行街有無諗過約埋一齊做運動?如果想Join 埋我地玩可以星期六到觀塘或星期日到小西灣。 一齊做牛角式 左右兩位都做緊蝗蟲式, 柔軟度不同都可以一齊玩架! 家庭班有趣的現象是成人長輩們可能受到孩子'大師'們的感染，特別投入和進步飛快呢!
Teaching Parent-kids yoga@CUBC Openday July2012
Teach parent- kids yoga with my little teaching assisant Tiffany She is serious on her teaching
兒童瑜伽表演@TVB週刊Talent Kids show
上星期日我地個'小兒科' 瑜伽表演係東港城既TVB週刊 Talent Kids 大賽出Show喇! 請到Holly姐姐幫我地主持，為我地呢班小學雞生色不少 Kids yoga show 分成三個部份。 第一部份團體表演，將我地平時玩嘅瑜伽式子遊戲排成穿連動作。我自己覺得好得意，唔知你地覺得點呢? 第二部份小朋友自選式子及創作編排 最 鬼異式子: 蛋式 最優美式子:Daner pose by Tiffany 完成part 2喇!玩到唔見左對腳 嘻, 係屈埋左用蓮花腳行落台，吓到台下的觀眾嘩！嘩！声。 Part 3 邀請台下小朋友一齊玩 第一式: 衣架式 第二式攀足式玩人浪 第三式: 單腳火車跳 完成Good Show, 佢地High 到呢 如果你都鍾意呢個小兒科表演就俾個 LIKE 我地呀
兒童瑜伽表演彩排
親子瑜伽班到今個月舉辦左一週年，甘啱係呢個月收到兒童瑜伽表演邀請。我膽粗粗應左主辦單位，但今個月小朋友要考試所以排練時間很少，只好靠佢地平日鍛練嘅'工力' 喇。 可能佢地細個無成人甘多思想負擔只係當去玩一個活動，結果第一次排練便順利完成了所有式子。到左排每人solo表演1分鐘嘅部份俾佢地自己發揮吓，竟然三兩下手勢自己創作埋個flow出來 。平時佢地上堂態度需然無成人甘集中但兒童善長於遊戲中學習, 而目佢地個種本具嘅聰慧及創作力每每是成人所難及的，我同家長們都感覺意外同時又好欣慰 。 睇吓佢地幾認真排練! Solo表演創作中，睇吓我坐埋一邊幾遊閒 TVB週刊Talent Kids大賽之兒童瑜伽表演日期: 3月25曰，星期日 時間: 晚上6時至6時半 地點: 將軍澳 東港城商場1/F 大家記得來捧場吖!
親子瑜伽運動會
十月份第二個星期日親子瑜伽班的小朋友回來開課了! 開學禮搞了點新意思, 玩了一堂瑜伽運動會: 跑步, 跳遠, 舉重三項鐵人賽。瑜伽運動會當然係同學挍的運動會有所不同喇, 點唔同呢? 首先大家站在起跑席上, 開始:跑啊, 跑啊, 係啊跑得甘快之咪係用'手倒立"泥跑。跳遠當然唔係普通跳法, 先盤"蓮花坐"再用手跳,鬥遠。舉重之咪係"烏鴉式"舉起自己囉!爸爸, 媽媽們都做埋一份, 不過好快就做到無力同笑到無氣 , 坐埋一邊影相。 估唔到啲小朋友無叫辛苦仲係甘鬥快。呵呵今天的一小時課像過得特別快呢!