Amy's Slow Yoga Life 瑜伽。慢生活

三角式是一個較全面的式子，身體很多部分都得以伸展。 作用： 使腋下、腰側肌肉及肋骨盡量伸展，令淋巴暢通；加強臀、腰、脊椎及雙腿之柔軟度；消除下背痛症；修腰側贅肉。 吾好睇我依家做得好輕鬆，擦實開始練呢個式子腰惻痛不特之、腋下扯、大腿內側痛＋企唔穩，下背痛開係預左but好少會人會有我嘅感覺係胸口痛到好似被扯開。嗚~總言之成身都痛呀 ~三秒都hold 唔到。我好唔鍾意練三角式但佢保考試的指定式子，每次教到就項硬上。 當時我係全班裡面係最屎嗰個(一個唔覺意報左導師班 )，一啲都無冧過會做瑜伽導師。可能係以前嘅工作令我習慣左凡事target oriented，到左練瑜伽都自覺地定好多target 俾自己。點知甘樣既心情練瑜伽係唔work 架！精神唔放鬆會令體僵硬， 後來我慢慢學識左放鬆心情練習，唔好太勉强自己每日練少少，hold 到一秒就一秒反而進步得快。當日mission impossible 嘅三角式原來練練吓會係自己估唔到嘅時侯'得左' 。 1. 以山式開始 2. 打開雙腿，雙腿距離大約是肩膀闊度的兩倍至兩倍半，呈入字腳, 雙手打開與肩水平。 3.左腳指向左, 後腳45度指向前，雙腳腳踭成一直線。 4. 左手按左腳背。身體左側。右手向左伸展指向頭頂方向。挺胸，盆骨推前。放鬆頸部，頭向上，眼向上望指尖反身向天(呼氣)。  5. 雙腿保持登直，右手肘伸直並貼緊右耳。手肘伸直才可達到暢通腋下淋巴的效果。最易犯的錯誤是身體向前傾，只要集中精神，盡量將盆骨推前，身向上反，便可大大減低前傾幅度。盡量保持三至五組呼吸。 做完左邊要記得做埋右邊呀! P.S. 以上圖示只作參考並非教學示範, 如有不明白之處可於堂上提出。 相片攝於礸石山Balletopia Studio http://www.balletopia.org/

有無發現最近肚腩大左?鬼咩，由聖誕開始數下食左幾多大餐:Buffet、 BBQ、 打邊爐、團年飯、開年飯、春茗、情人節大餐，仲有大大小小gathering十隻手指都數吾曬。一齊做後顧式扭腰急救士脾肽喇! 1. 曲右腳, 大脾貼近心口,挺胸(吸氣) 2. 左手升起拉長脊椎, 右手推右大腿 (吸氣)   3a. 扭腰(呼氣)，左手上臂落在右大腿外側, 右手按在後，直手踭。保持五組呼吸或手腳有麻痺感再放開。然後重覆另一邊。 3b. 再深層一點可將左手抓右腳腳掌內側。  今次示範呢個後顧式係簡化左，方便大部份腰背硬的瑜伽式子初學者。 P.S. 以上圖示只作參考並非教學示範, 如有不明白之處可於堂上提出。 相片攝於礸石山Balletopia Studio http://www.balletopia.org/

完成比賽我地仲有兩日係北京四圍逛。兩年前我已到北京玩過，當時係四月天氣和暖, 境點附近到處是飛揚的楊柳同開滿桃花, 玩左太多地方玩到長城經己無曬力行。所以今次比賽來北京我最想重游長城，細細地品味一下中國幾千年智慧和血汗的結晶。 一早就構思 來個East meet West: 影番輯中國長城上的印度瑜伽式子照。 導遊一早帶我們向居庸關希望可以避開觀光嘅人潮。天氣好好播，而且唔係太多人, take 多幾個good shot 先。 感謝式子指導:Master Dickson, 攝影: 團友Calvin 等啲團友走曬下一團未殺到之一舜間: 無人!嘩,開心到跳舞: Dancer pose (實際上前面經已有成百人圍緊上泥 ) 跳越長城: Haunman pose & 扭腰反三角式 長城腳下的infinity pose, my 飛弗 !   其它的行程: 古宮、十三陵 胡同遊: 我的北京之遊room mate Iris

最近愛上了穿窄腳瑜伽褲, 一來可以教yoga時著, 二來可以當legging平時去街著，使用率高啲就買得無甘肉赤(瑜伽衫都唔平架,褲更加少有折)。依家好多外國瑜伽衫牌子都有網購，但我覺得博唔過佳因之前貪平撞過好多次板買錯衫。點解呢?因為瑜伽衫cutting好似好簡單, 但因為要好貼身著所以一不小心就會將身形弱點暴露出泥e.g. 平胸、肚腩、豪華團現曬形都幾得人驚。亦試過同一牌子買開同一款以為唔使試, 點知同款唔同色用嘅布料唔同著起差成個碼, 好彩有得換。所以試新牌子就必定要試著。 有導師朋友介紹我去easy yoga我先知佢地係銅鑼灣有分店, 終於唔使等yoga conference先試到款喇! 教完班落到easy yoga已經八点半, 入到門口見到呢個肩倒立mannequin 公仔, 覺得間鋪好有yoga feel。   Display 好colourful I like，! But 仲有半個鐘就關門,有甘多款唔夠時間試呀... 負責人Sandy好細心地問我想揾乜, 之後介左佢自已都著開既一款LA.VEDA collection窄腳褲給我仲幫我襯埋top。 試身室好大間啊~超正!因為我選瑜伽衫有好多嘢要係試身室做: 1.著左Top要做幾個前彎及後彎式子，如果件衫無向上或下滑並呼吸暢順先係啱size。我自己就只可著較直身嘅cutting，如要修飾腹部可選A-line cutting。 2.再試做扭腰式子用全身鏡前後照吓胸前、腋下設計有冇走光、走位就穩陣。 3.Check吓件衫嘅內在美。內襯最好係綿質出汗後不易敏感，有位加pad方便修飾身形。 4.試褲就會做分腿式子測試褲當位是否舒服，布料彈性同縫線有冇脫針。 5.蹲下可試到褲頭設計是否太緊或太低腰。 如是這努力半個鐘頭後個試身室就俾我搞成甘, 成個show room好似俾我搬左入fitting room。 件件都想帶返屋企因為質地太舒服透氣喇! 最後買左Sandy介紹嘅窄腳長褲，簡左棕色襯左件粉黃色top+bertii collection仿皮外套。 攪到佢甘遲收鋪佢仲好用心地為我包裝戰利品 , 太感動 a 想信我會好快再來, 嘻! P.S 小心摸門釘因為星期一、二無開鋪架! 

上個星期三晚黃埔瑜伽班已經開課，星期二晚都市病治療班將於呢個月21號開始。地點就係協基會青少年服務中心，帶大家去睇吓場先! 去到黃埔花園八期六號小巴總站旁> aa 會見到協基會的海報然後從旁邊的入口直上1/F> 上到1/F出Lift就係中心入口喇>   中心大堂 大堂> 就係呢個活動室上堂>    想改善睡眠，舒緩肩頸痛就快啲打去中心揾阿賢留位喇! 歡迎插班，遲啲見^0^ 課程詳情:  與 基督教協基會 合辦 瑜伽班 地址： 紅磡黃埔花園第八期螢幕圈1字樓 日期：   逢星期一 (2012年2月6日起) 19:15 ~ 20:15 排毒舒展 逢星期二(2012年2月21日起)19:15~20:15, 20:45~21:45 都市病治療 逢星期三 (2012年2月8日起) 20:45 ~ 21:45超級拉感 費用: $520/8堂   報名電話： 23633719  負責職員:阿賢 歡迎公司、團體、會所或學校合辦成人/兒童瑜伽班, 請留言或電郵 amyyoga@ymail.com

今年和家人回福建老家過年，年假由年二十七放到初十足足十三日，好爽! 到步第二天是年三十晚傳統上家人要一起吃飯、派利是。飯後更要跳火堆、放爆仗。呢個火堆就唔係甘簡單，係用稻草堆起，燒起來火很旺可以足足有成個人甘高架！ 初跳: get 、set、GO!!   第N跳, BB、小孩也要由父母抱著過火，老人也不例外只大肚婆可免。小孩們由怕火一直跳到膽生毛, 後來仲爭住跳。 唔少得放爆仗, 爆左可能有十分鐘之後:  家鄉的Homemade賀年食品，每日都吃到到肚子撑不下為止。有無食福建炒飯?其實福建無福炒飯架!就好似瑞士係無"瑞士雞翼"一樣 。 福建炒麵就有:   過年的氣氛比香港熱鬧好多只是不習慣氣温要比香港要低很多。白天氣温一直在十度以下晚上更低至4-6度，加上下着小雨和刮大風外出時整個人冷到發僵。 玩玩食食到初三開始頸梗背痛，可能受左寒更加上吃滯了整個人很不舒服。還好我帶了瑜伽四寶上路: 、磚、繩和滚石，練下功先。係呢種溫度到下用平時的方法練瑜伽是超乎我想像的困難，低溫下筋骨非常僵硬完全拉不開，後來開了暖爐寒氣還是一直從腳底冒上來很不舒服。沒有辦法再在蓆上練後來只好跑到床上去取暖。 忽然想起學瑜伽派別時粗略地學過Kundalini派別的一些坐式練習法，佩合呼吸及Mantra sound以喚醒脊柱力量。呵，正適合窩在牀上練啊! 可惜沒有帶相關的書啊！呼吸同Mantra sound經已忘記得一干二淨，式子還有少少印象真是學到練時方恨少。只能憑著一些印象去練習試著由頸開始由上至下慢慢將脊椎鬆開。記得Kundalini派的式子樣子好像簡單每但組都重複練上過百下，有點悶這也是令我提不起勁學的原因呢! 先由十下一組開始練起，沒甚麼感覺於是續漸增加到五十下一組，咦!?開始好轉， 身體温暖起來。這是喚醒脊椎力量的感覺嗎?我想這練工法是在雪山上修練的人所創的吧?決定回香港後要再仔細的研究、研究。