Amy's Slow Yoga Life 瑜伽。慢生活

上次做完前彎今次温習後彎，不過呢個示範唔算係一個瑜伽式子(Asana)應該算一個好有効鬆上背嘅熱身動作。我地成日日要對住電腦頭耷耷好容易形成寒背, 導至身形唔好睇之餘仲會引起頸背痛 。所以最好每日後彎幾分鐘來舒緩上背及頸部疲勞。 1. 坐在蓆上背後放瑜伽磚一至三舊, 亦可用枕頭或厚毛巾代替。  2. 手肘落地,將上背躺在磚上(吸氣)。 3. 頭頸放鬆後仰, 腰放鬆, 臀部著地 (呼氣)。   4. 手扣木星手印, 直手肘(吸氣) 5. 手指指向頭頂, 指尖想落地 (呼氣 )。 另外如果有partner 幫忙可用瑜伽帶縛緊上手臂然後頭頸放鬆向後躺更可深層鬆膊頭。躺一至兩分鐘或到手臂、膊頭感麻痺才鬆開。 P.S. 以上圖示只作參考並非教學示範, 如有不明白之處可於堂上提出。 社區班報名網址:   http://www.hkyogaassn.com/yoga-class.php 相片攝於礸石山Balletopia Studio http://www.balletopia.org/ 至於頭耷耷引起嘅健康問題可以睇下面呢段報導 http://www.hksilicon.com/kb/articles/28064 專家建議市民每玩數分鐘電子產品，應該停一停及做頸部運動。 Apple iPad、Samsung Galaxy Tab等平板電腦風行，令一眾沉迷的本港上班族，經常不自覺長時間「頭耷耷」工作及玩遊戲，疑引致近期偏頭痛求診個案趨增。 有IT人士每日逾半時間用電腦及平板電腦，因而引發偏頭痛，半夜更經常痛醒，需要求診。 名人家屬肩頸疲勞 被迫戒玩 腦神經外科專科醫生藍明權稱，過去1年收到疑因平板電腦引致的偏頭痛、頸痛求診個案，較往年多1至2成。他說，求診者因經常坐在梳化、或將平板電腦置於大腿使用，令頭頸長時間下彎，引致頸痛。此外，本身有偏頭痛症狀者，則有機會受平板電腦的閃光刺激，誘發痛症。 香港執業物理治療師協會會長黃燦鴻透露，一名印度 籍資訊科技人士，因每日用電腦工作13小時，下班後又用數小時玩平板電腦，致患上偏頭痛，有時半夜2、3點更因此痛醒，影響睡眠及工作。 黃指疑因長時間使用平板電腦引致的偏頭痛、手背麻痺等求診個案，近數月每月都收到數宗個案，多為本已長時間接觸電腦的IT人士、教師、文職人士，相信隨著平板電腦愈趨盛行，求診個案會上升。 黃日前收到1名逾50歲的名人家屬求

到底女仔每月唔方便嗰幾日可吾可以做瑜伽呢?應避免做倒轉類嘅式子，不過只要選啱瑜伽式子, 不單只可以做而且適當嘅式子仲有舒緩經痛、腰痛嘅較果 。 呢個蝴蝶式就啱曬。 1. 腳板對脚板, 手扣脚板將腳踭拉向內與膝頭水平, 吸氣, 拉長脊椎。 2. 平背向前壓低至感到大腿內側拉緊。(呼氣 ) 3.如果夠鬆肚貼腳板，額頭貼地，保持三至五組呼吸。 1.如果下太硬好難坐直可以坐在一舊磚上幫助身體向前傾。(吸氣)   2. 向前壓低。(呼氣 )   P.S. 以上圖示只作參考並非教學示範, 如有不明白之處可於堂上提出。 相片攝於礸石山Balletopia Studio http://www.balletopia.org

社區瑜伽班紅日係放假吾上堂架, 撞啱有啲班連續幾堂都唔使上, 同學仔問'吾記得啲式子又想係屋企練點算?'既然大家甘勤力我都勤力啲upload式子示範上來俾大家參考。 瑜伽式子之中稱'王'嘅係頭倒立, 佢對身體好有益可以改善病症不計其數所以稱'王'。甘計我話攀足式就係式子之中嘅'平民', 點解呢? 頭倒立好處多但難度亦相當高唔係好多人做到，攀足式好處亦唔少,相對就易入手好多喇! 基本上人人都做得來，分別係前彎的幅度多與少。所以我叫佢'平民'式子。 我初學瑜伽時記不起其它式子就每天都做幾分鐘攀足式，慢慢我的腳痛和腰痛都减輕了許多。 1. 預備動作: 身體坐直, 入字腳, 膝頭蹬直。 2. 手打開(吸氣)。 3. 手扣木星手印, 掌心緊貼。 4. 平背向前壓低(呼氣)。 5 上半身放鬆, 保持三至五組呼吸。 示範攀足式常見錯誤 1. 寒背, 曲膝, 身體繃緊。 示範使用瑜伽磚輔助 1. 坐在磚上幫助身體前傾。   深層前彎: 於腳掌放另一塊磚, 手拉磚底幫助身體前傾。   盡量壓低, 下腹貼大腿, 額頭貼小腿。 提 剛開始練習時你會發現心口離腳好遠雙脚就經已好扯。 放心，甘係正常!我嘅攀足式都係由90度開始練起，俾啲時間練喇! Namaste! P.S. 以上圖示只作參考並非教學示範, 如有不明白之處可於堂上提出。 社區班報名網址:   http://www.hkyogaassn.com/yoga-class.php Pictures took at : Balletopia Studio