霏雲闖蕩空中瑜伽外傳 : 拉筋動作啱搭長途機19/7/2014

http://m.next.hk/news/nextlife/20140719/59283

之前嗰集雅霏玩嘅空中瑜伽需要用到好多器材，為咗方便大家，呢集佢就會啲簡單嘅拉筋動作，最啱搭完長途機，或者有經痛同成日做低頭族嘅你，跟住做架喇！

雅霏仲自爆同小雲搭長途機去拍《霏雲闖蕩》嗰時，都會喺機上做嚟舒展筋骨。而佢哋去咗咁多地方，大家喺鏡頭前見到嘅雅霏，都係一貫開朗活潑。但其實佢坦言都有想放棄嘅時候。「去行火山，想去最高位拍攝，但身體真係支撐唔到，有諗過放棄。又試過遇上經濟問題，不過放棄嘅念頭一日就冇咗，因為睇番自己嘅書同拍嘅片，就會覺得好值得。無論如何，覺得自己只係22歲，仲輸得起！」

年輕真好！雅霏透露會將旅行經歷結集成書，將會喺書展迎戰一批坦胸又露臂嘅性感寫真。雅霏，真係輸得起？「今年嘅寫真好似多咗，係咪真係有咁多人睇呢？我覺得人有好多條事線業，可以揀一條更加好嘅！」

周雅霏（A.faye）

天蠍座九十後女生，2011年從英國畢業回港，當過兩年模特兒，曾奪得2011年中國小姐香港賽區最佳氣質獎。生活要求不多，追求簡單、快樂。但有一個壞習慣，就是總坐不定，每個月也必要離開香港，看看出面的世界。這輩子最大的夢想便是在地球上每個角落留下足跡。