給自己的生日禮物-Nature 瑜伽蓆

計落呢兩年黎都買過好幾張瑜伽蓆, 由買入門版幾十蚊張到成千蚊張特厚蓆都買過。用用吓自己嘅要求又唔同左。早幾個月就想搵一張適合外出教瑜伽班用的地蓆 , 幫人買磚時就俾我遇到佢:Nature Mat。好咧就當送份生日禮物俾自己!

一直用開嘅瑜伽硬磚係藍色,幫同學仔買一舊, 呢個時後就見到'佢'Nature mat, 顏色好靚仔啊!好似草地令人感覺relax。

唔平播!瑜伽蓆表面上張張差唔多, 都係一張方形既嘢但價錢可以相差＋幾二＋倍, 點解呢? 就係物料上的差別。呢張係用環保天然橡膠造架, 比較少見, 價錢都要幾百蚊。書局都有賣幾＋蚊既PVC顏色都唔錯,厚度通常4mm/6mm。但拆左包裝紙後你會聞一陣臭膠味, 而且做式子後手腳有汗就會變得太滑手, 唔夠安全而且膠質老化得很快, 一兩年就硬化變得無彈力。入門版來講平平地, 用泥做啲伸展動作都OK。

打開試做個'Down dog pose'手感好正呀, 彈拉性適中,唔怕出手汗滑親。跟住做埋一字馬。依!夠長度喎,隻脚踭無出界。返轉張睇真啲先, 背面係黑色嘅。Haha 襯乜色瑜伽衫都無問題喇!

跟住又俾我見到佢個friend'棕色block' , 一放埋就覺得好襯,唔捨得分開佢地。一於帶曬返屋企！

拿拿声攞埋條瑜伽帶出泥,今次仲唔俾我襯到絕?!Hahaaaaaaaa.....(套裝狂病發傻笑中)