【身美學】瑜樂天空Featuring aerial yoga for Cocktail Girl online magazine 6/6/2014 issue

http://www.cocktailgirl.hk/passage/show/1925
多謝Cocktail girl 訪問. 今次由導師Agnes 及Naomi 於Unicorn Aerial Yoga Studio 進行空中瑜伽示範  :

【身美學】瑜樂天空

前陣子小編跟朋友吃飯，發現原來不少 OL 朋友都面對以下問題：公司的椅子坐得不舒服、坐姿不正確、經常經著電腦或低下頭，導致頸部和腰部出現痛症！看到眼前這群女生只有20多歲，已經在煩惱小編40多歲的父親才會遇上的問題，實在覺得刻不容緩，一定要找高人出手相助！

  

高薪厚職 vs 自在人生

「天馬。空行瑜伽教室」課程總監 Amy 原本從事銀行及金融業，放棄工作，全因為身體響了警號。「以前返 Office，經常對住電腦，導致腰部同頸椎都出現問題，全身都係勞損同痛症，無論係坐低、行路、企都覺得唔舒服，感覺生活質素好差。」人工的大部分也是用作看醫生，有如「為醫生打工」，令 Amy 覺得是時候休息一下。為此她四出尋求治療方法，試過按摩、針灸、物理治療等等，卻都只是治標不治本，直至她學習了空中瑜伽（Aerial Yoga）。「只係上咗一堂，我就覺得成條脊椎都舒服晒，於是玩咗就停唔到喇。」

甘願放棄高薪厚職，轉做全職瑜伽導師，Amy 坦言：「如果要我自己揀，都未必放棄到。當時只係打算抖半年左右，但做落唔單止覺得身體好咗，心態上都放鬆咗，覺得其他嘢唔係咁緊要，而且玩瑜伽亦唔需要洗太多錢。」雖然收入減少，卻找到自己的興趣和合適的生活方式，Amy 的生活質素反而提高了。

▲Amy 玩了空中瑜伽已4年，現職瑜伽課程總監和全職導師。

▲Naomi 是兼職導師，個子小小卻有型仔腹肌！

▲全職導師 Agnes 的柔軟度非常驚人！

  

空中瑜伽 vs 地上瑜伽

空中瑜伽的動作包括離地、倒吊等等，全部看起來都很高難度，Amy 卻表示，空中瑜伽反而比地上瑜伽更適合初學者。「空中瑜伽離地進行，利用反重力，再藉助 Hammock 卸走部分重量，能夠做到地面好難達到嘅效果。佢有好多倒轉動作，頭向地面嘅時候，即使動作靜止、心臟冇加速，都感覺到血液運行，並分流到全身，非常放鬆，但同時做到全身血液循環。」

「依家身體變得強壯，反而先可以玩到地上瑜伽。」Amy 形容，做空中瑜伽的時候，你會感受到很強的大自然力量，只需跟著指示靜止幾分鐘，非常放鬆。「地心吸力嘅拉力好重，好似成個人就跌落地咁，但有 Hammock 承托住，懸掛喺空中嗰種飄浮嘅感覺，令你覺得身體好輕。做嘅動作唔多，但感覺就好複雜同深層。」

▲

▲空中瑜伽利用懸吊半空的繩索吊床（Hammock），可以承受230 kg的力量，輔助支撐身體重量和平衡，從而更輕易做出高難度動作。

  

見到導師們個個吊到半空，亦能自由扭曲身體，畏高的小編忍不住覺得有點可怕。Amy 笑說起初學習空中瑜伽，自己也是「邊嗌邊做」，但為了把空中瑜伽變得更大眾化，讓沒有運動經驗的人都可以容易適應，教學也經過不少改良。初學者可以調較高度，循序漸進地由低空開始玩起，慢慢適應在空中的放鬆自在。

1.     熱身動作

▲利用對手體重，打開關節。

▲蝴蝶形：利用脊椎弧度做輕微後彎，手向後遞，打開膊頭，有助適應血液循環。

▲利用瑜伽磚（Slimming Block）伸展頸部，可舒緩頸痛，同時放鬆肌肉，讓頸側大動脈流通。

  

2.     初階動作

▲這個動作有助矯正寒背。

▲動作離地但保持直立，所以初學者都仍然容易適應。

  

3.     中階及高階動作

▲看到空中一字馬，真佩服導師的柔軟度！

  

減肥瘦身 vs 塑形修身

很多人說做瑜伽只能幫助塑形，並不能有效瘦身，Amy 說只要做對動作，其實兩方面都可以達到功效。「可能初期練瑜伽嘅多為年長人仕，導師揀嘅都係放鬆動作。年輕人可以多做身體阻力訓練，利用自己體重，都有助鍛練心肺功能同肌肉。」

不過，對 Amy 來說，健康才是最大課題。她本來就身形纖瘦，卻總是給人感覺不甚健康、「甩頭甩骨」的感覺。只是練習空中瑜伽一年左右，Amy 說已經有很大變化，「朋友見到都覺得我唔同咗，問我做過啲咩。空中瑜伽收緊我嘅腰部肌肉同腹肌，個人結實咗，肌肉多咗，脂肪少咗，所以雖然磅數有增加，但碼數就由中碼變做加細碼。」

▲能夠集減肥、修身、健康三個好處於一身，空中瑜伽果然「有料到」！

每次練完，Amy 的痛症都得以舒緩，持續練習效果就更加顯著。Amy 分享說，身體跟心情會互相影響，「玩咗空中瑜伽後，唔會再覺得俾針拮住咁，感覺放鬆咗好多，成個人更加有活力，心情都變得樂觀啲！」

Unicorn Aerial Yoga Studio 天馬。空行瑜伽教室

• 地址：Room D, 1/F, Fok Ying Building, 379 King's Road, North Point, Hong Kong Hong Kong
• 電話：28928893
• Studio Facebook：https://www.facebook.com/unicronaerialyogastudio
• Amy's Facebook：https://www.facebook.com/Amyogalife